E organisacion Mundial di Salud recientemente a anuncia cu e casonan di sarampi na Europa a alcansa un record.
Segun e cifranan di e organisacion, den e prome 6 luannan di aña a registra 41 mil caso di e malesa y37 morto, compara cu 23.927 aña pasa y 5.273 e aña prome.
Expertonan di OMS a adverti cu e paisnan Europo mester tuma medida pa stop e avanse di e malesa aki.
Pero kico ta e peligernan di sarampi realmente y pakico e cantidad di casonan ta aumentando?
Sintomanan
Sarampi ta un malesa altamente contagioso. E ta wordo transmit a trabes di e contacto cu gotanan di fluido cu e persona cu tin e malesa ta saca ora e tosa of niester.
Su sintomanan ta inclui nanishi cera, niester (mescos ora di griep), señalnan di cu e curpa ta luchando contra un infeccion (keintura, cansancio, dolor muscular, perdida di apetito), iritacion di wowo, mancha gris den boca y manchanan cora riba e cuero
E ultimo aki ta cuminsa aparece cerca di e liña und abo cabey ta crece y ta pasa pa e cabes, garganta y resto di curpa.
E infeccion por dura entre 7 y 10 dia. Pero aunke mayoria di e hendenan ta recupera completamente, e por causa complicacionnan serio y por provoca morto.
“Tin hende ta kere cu ta trata di un simple eczema, pero e problema ta hopi mas cu esey”, Smitha Mundasad, Corresponsal di Salud di BBC.
“E por causa complicacionnan serio manera inflamacion di celebro, meningitis, ceguera y problemanan hepatetico, pa nombra algun”, el a agrega.
Falta di Vacuna
E motibo principal tras di e aumento di e casonan ta uno: e falta di vacuna.
“Di algun manera, e vacunanan a bira victimanan di su mesun exito. Dor cu nan ta funciona asina bon, hopi no ta wak e complicacionnan serio di e malesa aki. Nan ta pensa: ‘e no ta un malesa serio, pakico vacuna?”Mussad ta bisa.
Campaña antivacuna
Aunke ta existi pa varios aña caba, el a cobra forsa na final di añanan 90, ora cu e gastroenterologo Britanico Andrew Wakefield a establee, sin base ni fundamento, cu tabata tin un vincula entre e vacuna combina cu sarampi,estableció —sin base ni fundamento— que había un vínculo entre la vacuna combinada para el sarampión, cacheton y autism.
Su investigacion, cu awendia ta completamente desacredita a wordo publica 20 aña pasa den e prestigioso revista medico The Lancet, a studia casonan di solamente 12 mucha.