GGD di Corsou a confirma un aumento di caso di dengue riba e isla. A confirma algun caso den e ultimo simannan di 2023 y na januari e cantidad aki a aumenta na 31 caso di dengue y un caso di chikungunya. E aumento aki, indica pa mas test di laboratorio y sintoma similar informa p’e dokternan di cas, a indica un propagacion activo di e malesanan aki.
Dengue, chikungunya y zika, transmiti p’e sangura Aedes aegypti, un insecto di strepi blanco y preto, ta trece un riesgo creciente pa salud. E tipo di sangura aki ta broei den awa para, loke ta provoca un reproduccion rapido y propagacion di e virus a traves di pica di sangura, loke ta provoca un epidemia.
Ministerio di Salud, Medio Ambiente y Naturalesa (GMN) ta efectua activamente campaña pa elimina e criaderonan di sangura. Esaki ta inclui inspeccion y educacion na luga manera tayer di drecha auto, scol y otro institucion. Pero gobierno ta insisti cu e participacion como un unidad total ta crucial, cu e mensahe: “Nos no por haci esaki nos so.”
Ta pidi tur ciudadano pa tuma accion preventivo manera elimina awa para paden y pafo di cas, uza repelente contra sangura cu ta contene DEET y uza pisca den e depositonan di awa pa combati e larvanan di sangura. Ta pidi e empresanan, specialmente esunnan di benta di auto y construccion, pa tuma e precaucionnan contra acumulacion di awa.