Awe Corte Superior di Husticia a trata e caso penal contra e sospechoso I.M.P. di 21 aña di edad. P. a wordo condena riba 10 di juli 2023 pa un castigo di prison di 4 aña di detencion hubenil y imposicion di medida PIJ pa asesinato di Sayuri Petronia riba 4 di juni 2021. E victima tabatin 19 aña di edad na momento di su fayecimento. Ministerio Publico a presenta casacion contra e decision di Corte Superior di Husticia riba 19 di juli 2023.
E caso no a yega na un final definitivo awe. Corte Superior di Husticia a duna orden na Reclassering pa prepara un raport adicional tocante e sospechoso. E caso a keda posponi te 11 di September 2025.
