Caso IBIS ta continua dialuna

Diabierna e caso di IBIS a sigui den Corte di Prome Instancia. E sospechoso/acusadonan den e caso aki tabata presente den sala di corte, hunto cu nan respectivo abogadonan.
E sospechosonan den e caso aki ta Patrick Croes, Roque Aparicio, Esmero Capriles, Selma Arends, Melony Croes Paesch, Juan Filiciana, Felipe Schwengle, Aleida Vasquez, Tat Cheng, Siem Wong, Hang Chang Fung, Chunyan Liang, Robio Di Vecchia, Luis Ochoa Ramirez, Ninosca Nuñez, Franklyn Bareño, Fernando Latoracca, Juan Vasquez Lopez, Robert Dalmeijer, Jairo Wever, Mario Arango Quinceno, Rudmilla Martinus, Marie Vernais.

REQUISITOIR
E requisitoir di parti di OM tabata consisti di 171 pagina, cual a haci imposibel pa caba cun’e ariba diabierna mes. Fiscal a cuminsa lesa e requisitoir, cual el a reparti pa e abogadonan di e sospechosonan. Pa banda di 11 or a tuma un pausa. Akinan hues mr. Gruijtens a remarca cu, mirando e cantidad di pagina, lo ta imposibel pa caba cu e requisitoir completo diabierna. P’esey a tuma e decision di sigui cu e parti, cual no a keda cla cun’e, dialuna mainta.
Hues a consulta prome si cu abogado defensor di Paul Croes, mr. Marijke Vaders, mirando cu mr. Vaders ta procedente di Corsou. Durante e pausa chikito, mr. Vaders a bisa cu no ta problema pa sigui cu e requisitoir dialuna.
Na prome instante tabata ariba agenda pa e abogadonan defensor cuminsa cu nan pleidooi, pero mirando cu Ministerio Publico lo mester keda cla cu su requisitoir, a dicidi di schuif esaki pa diaranson.
Asina tambe e caso IBIS lo continua dialuna.

Comments

comments