Diabierna e caso contra e acusado J. C. lo continua. J.C. ta wordo acusa di aesinato di e hoben Sarahi Sierra.
E caso ta conoci cerca autoridadnan como caso FIST cu ta e asesinato cu a tuma luga dia 3 di november 2017 den un cas na de Vuyst y unda e victima tabata e hoben Sarahi Sierra di 19 aña.
CASO
J.C. ta wordo acusa di intencionalmente tuma bida di un persona riba 3 di november 2017, dor di choke, stik’e, hink’e cu un obheto skerpi y/of dal’e cu un obheto stompi. E violacion di e persona, secuestro y/of ladronicia di un suma di placa cu tabata mas o menos 1100 florin, tabatin como consecuencia e asesinato.
Abogado mr. Iles, kende a representa e acusado J.C. a pidi pa scucha tres testigo, cualnan lo por duna un alibi di unda su cliente tabata ta e dia di e asesinato di Sarahi Sierra. Ademas, el a pidi pa tuma declaracion di e ruman muhe di e victima, esta e mucha muhe SS, riba algun punto y entre otro e relacion intimo.
Varios miembro di famia di e victima como tambe su ex pareha tabata sinta den sala di corte.