Awe den oranan di mainta Landsrecherche a tira un inval na cas di un periodista den Papayastraat.
Esaki, segun informacion ricibi, ta relaciona cu caso Diamante cu ta den pleno investigacion.
Diamante ta e caso di sospecho di malversion di parti di ex parlamentario Alan Howell riba fondonan cu Stichting di Partido POR tabata haya for di Parlamento.
Funcionarionan a bay cu dos caha di documento.
Farrah Boekhoudt cu ta colega di prensa, a informa cu su empresa di Media a ofrece varios politico y otro negoshinan servicio di PR, unda e ta saca potret, graba video, audio y hasta skirbi relato unda esaki ta keda manda pa prensa. No tabata un excepcion cu el a brinda e servicio aki na Partido POR, y pa su trabou haci e ta traha cu su recibo cobra y ta declara esaki na su belasting. Loke a pasa den POR si nan a malversa of e no tin nada di haber, el a brinda un servicio y a manda cobra pa su trabou.