Willemstad Curacao: Kontinuando ku un investigashon relashoná ku un kaso di ladronisia ku ta andando, awe djabièrnè 15 di febrüari 2019 alrededor di 06.05 or di mainta, riba òrdu di Ministerio Públiko, Tim di Aresto i reshèrshinan di ‘VVC’ a tene un entrada hudisial na un kas den área di Veeris. Durante di e kontròl polis a haña i konfiská: 2 Outo; 1 Skuter; 1 “Ipad”; 1 “Imac”; 1 “Laptop” i 8 telefòn. Na e sitio a detené kuater (4) sospechoso. Ta trata di e hòmbernan: G.G.M.C., nasé na República Dominicana di 22 aña i L.R.A.D.N., nasé na República Dominicana di 27 aña, e hende muhénan: J.C.B.M., nasé na República Dominicana di 56 aña i L.M.M.D., nasé na Kòrsou di 23 aña, pa e kaso ariba menshoná. A presentá tur kuater sospechso dilanti di un Fiskal Ouksiliar, ku a ordená nan enkarselamentu pendiente di mas investigashon.