Diasabra marduga polis a presenta den Caya St. Maarten pa un problema cu a escala den un rat’i ora. No ta conoci ainda kico a ocasiona e problema aki pero loke si por confirma ta cu un persona a saca un machete y e kap e otro persona cu ta un hende homber. A ricibi corta na cara y un band’i brasa.
Paramendico a bay cu e homber hospital debi cu e corta ta basta profundo. Polis a presenta pa atende cu e caso aki. A detene un persona tambe, di cual a transport’e pa warda pa un subfiscal dicidi riba su detencion.
Durante oranan di diasabra mainta, un auto tambe a keda confisca esta un Kia Rio bruin y detencion di un hende homber tambe a cay na momento cu team di Recherche kier a papia cu ne y e no kier a papia cu polis y a cuminsa core cu a pone polis a detene y hib’e ward’i polis tambe pa investigacion.