Diadomingo marduga patruyanan di Oranjestad na mas cu un ocasion a presenta na un cas na Madiki unda algun persona lo a presenta na e cas y busca problema cu un homber di edad y un otro hende y tabata menasanan. Pero manera cu polis yega e sospechonan ta bandona e sitio. Polis lo a bolbe presenta despues pero atrobe e sospechoso a bay y despues cu polis a bolbe yega no tabata tin nada na e cas.
Segun Cuerpo Policial ta informa cu pa 2:45 marduga central di polis a keda notifica door di personal di Hospital cu dos hende homber lo a yega hospital cu hincanan na curpa. Di biaha un patruya a yega na hospital y constata cu e personanan tin hinca, un ta mas serio cu otro y ta teme pa su bida. Recherche a keda poni di biaha na altura y a presenta na e cas na Madiki hunto cu departamento forensico y patruya di Oranjestad a listra den e area si por topa cu evidencia. Un di e victima nan ta stabiel mientras e otro ta serio y lo ta teme pa su bida. E caso ta bou investigacion.
Bisiñanan na e sitio a comenta cu nan ta cansa cu den e caya y e cas tin personanan cu nan no conoce mes ta yega y constant tin problema y hopi hende papia spaño ta acudi eynan.