PARIS, Francia- Ta reina un conmocion grandi na Francia pa e asesinato di e deportista Alexia Daval, na man di su casa Jonathann Daval. Diamars e casa a admiti di ta e autor di e crimen. E deportista a wordo strangula y su curpa a wordo haya totalmente kima.
Na momento di e feminicido, su casa a pone un denuncia na autoridadnan bisando cu Daval a sali bay core y cu despues di nuebe hora ainda e no a yega cas bek.
pero e sospechanan tabata rond di dje mes y finalmente el a reconoce su culpabilidad e siman aki.
Abogado di e atacante, Randall Schwerdorffer, ta considera cu ta trata aki di un accident y el a afirma cu “nos no ta bay defende un criminal, un asesino, nos lo bay defende un homber hoben, cu mei mei di un crisis di pareha, di manera accidental a ocasiona e morto di su casa.