Caso di Apelacion contra Jairo Chalgut lo ta dia 4 di juni 2019

Diamars mainta Corte di Apelacion a trata e caso contra di Jairo Chalgut, cu a wordo condena na 20 aña di prizon pa asesinato di Sarai Sierra. T’asina cu Ministerio Publico no a keda conforme cu e sentencia di 20 aña pa Jairo Chalgut.
Sinembargo e tratamento no a tuma luga, pa motibo cu e caso tabata Pro Forma, y tambe cu e representante di Chalgut, mr. Illes tabata sufri di un kebrante di salud.
Motibo cu e caso tabata Pro Forma tabata pa sa si di parti di Chalgut of Ministerio Publico tabata kier a haci cierto investigacion, sin embargo president di Hof a bisa cu el a compronde cu tanto di parti di abogado como Procurador General cu no ta desea pa haci mas investigacion. Despues di un deliberacion cortico, a fiha 4 di juni 2019 pa tratamento di e caso.
Cu e apelacion di Ministerio Publico, ta mustra cu Ministerio Publico kier pa Chalgut haya e exigencia di bida largo. Na Juni 2019 ora di tratamento di e caso lo bay mira kico tur lo bin dilanti.

Comments

comments