Polis a haci investigacion siman pasa di un sucedido cu lo a tuma lugar diahuebs 4 di januari ultimo den vecindario di Bushiribana. E incidente aki lo a encera cu un persona lo a wordo maltrata pa cuatro homber, cu lo a purba cende na candela tambe. E supuesto victima a wordo localisa pa helicopter di polis, despues di cual polisnan a yega n’e sitio. Ambulance tambe a keda pidi pa bay topa e victima y polis poco mas leu y a transporta e victima pa hospital.
E sucedido a causa conmocion den comunidad. Sinembargo, investigacion policial a mustra cu tur e incidente aki no a tuma luga nunca. E persona en cuestion ta un homber mustrando comportacion confundi. Asina ministerio publico a informa diabierna atardi.