Diabierna mainta a tuma luga den Corte di Prome Instancia, e caso contra di J.P.F. y P.S.F., esaki relaciona cu e caso di atraco y asesinato na Wayaca. E. y F. ta wordo acusa di, conhuntamente cu un otro of otronan, a tuma bida di un persona riba 13 di september 2016, dor di los un of mas tiro riba e persona aki, a consecuencia di cual el a fayece, y di ladronicia cu violencia di un suma di placa y un cadena y telefonnan y un auto.
Presente den Corte di Husticia tabata familiarnan di e fayecido, y aki ta caminda Hues a puntranan si nan lo kier a presenta un demanda di daño y perhuicio contra di acusadonan. Miembronan di e famia a indica cu nan lo presenta un demanda si, pero no durante e sesion di diabierna.
FISCAL
Fiscal a pidi pa pospone e caso, ya cu ainda tin procesverbaal cu no ta cla. Falta algun detayes cu falta y ta wardando ariba rapport di psychiater pa un evaluacion di J.P.E. E investigacion cu mester tuma luga tocante e ruta (nan) cu e sospechosonan por a tuma, y tambe tocante e yamadanan cu nan a haci durante e dia aki.
FIscal a pospone e caso te cu Juni, ya cu e schedule ta full full yen y dia 23 di Juni 2017 lo tin luga.
DEFENSA
Abogado defensor, Mr. Chris Lejuez a hiba palabra y a puntra fiscal pa evalua su cliente P.F. y cu su cliente ta dispuesto pa coopera cu e evaluacion. (psychologisch en pyschiatrisch).
Abogado mr. Carlo di parti di P.F. a pidi pa un investigacion ariba e ruta di e tironan. Tambe e lo kier investigacion riba e tiro, ya cu riba e fotonan, e inslag ta hopi onduidelijk con grandi e daño ta. Tambe mr. Carlo tambe a pidi pa e audio – opname a wordo hinca den file di su cliente. Psicologo a pidi pa evaluacion di su P.F., pero te cu e fecha ainda niun hende no a bin pa haci e evaluacion. Abogado a remarca cu e lo no tin problema si kisas esaki no por wordo haci mas, pero e lo kier si pa esaki wordo bevestigd den e file di su cliente. Tambe mr. Carlo a pidi pa pone den file, e pakico no por evalua e direccion di e tiro (nan). Riba e potretnan esaki no ta duidelijk. Segun abogado defensor, mr. Carlo e ta haya cu mester tin potretnan di e impacto di bala. Pa loke ta e direccion di e tironan, fiscal a bisa cu door di e glas cu a kibra no por determina e direccion di e tiro. E sospechoso mes a declara di a kibra e glas cu e loop di e revolver.
Por ultimo, fiscal a puntra abogado defensor si e lo ta dispuesto pa entrega un lista di preguntanan cu e lo kier pa e deskundige haci na e sospechoso. Pendiente di e resultadonand di evaluacion y tambe di e evaluacion e caso ta keda posponi pa 30 Juni pa 9 or di mainta.