Relaciona cu e ultimo lanchanan cu a keda gara pa Kustwacht y Polis durante e anochi laat nan pa marduga den awanan territorial di nos isla, unda a gara casi 80 indocumenta den nan hende homber y muhe cu kier a subi tera den forma ilegal. E ultimo lancha cu a keda intercepta riba dialuna 2 di october 2023, pariba di Aruba cu 38 indocumenta aden a bira un situacion di crisis pa nos isla.
Esaki a pone cu na GNC tabatin casi 80 persona indocumenta deteni den 1 luna di tempo cu lanchanan a purba drenta nos isla, y riba dje tabatin riba 15 deteni relaciona cu otro accionnan cu tabata un presion grandi pa GNC.
Segun informacion cu nos ta dispone di dje cu e CMO, cu a bira e Crisis Management Office ta e departamento cu a keda encarga cu e crisis aki unda a busca e fondo y a logra di haya esaki pa asina deporta e casi 76 indocumenta di lancha via di Curacao pa yega Venezuela bek.
E biaha aki Aruba a scapa di paga un suma hopi grandi cu por a costa e isla mas cu 300.000 florin na tur cos cuminda tur dia, y e pasashi pa cada persona. Segun informacion Aruba a paga bou di 75.000 florin na pasashi di cual ta un costo tog basta abou compara cu antes unda otro maneho cada cabes tabata costa casi 2000 florin usando vuelo for di Panama pa Venezuela.
Durante henter e siman aki a deporte e grupo den 10 persona pa cada vuelo unda a regla casi 7 vuelo specialmente pa e grupo aki so pasa via di Curacao y yega nan isla bek.
CEA a keda coordina pa transporta e detenidonan aki bou escolta di K9 Unit di Cuerpo Policial Aruba.