BALI, Indonesia – E miedo pa un explosion di e volcan Agung riba e isla Indones Bali, ta aumenta. Tin casi ya 50 mil persona cu a dicidi huy.
“Nan ta pasa nan anochi den un shelter,” un vocero di e organisacion nacional di combatimento di calamidad. “Pero tambe tin habitantenan cu kier keda, apesar di tur e advertencianan. Tambe tin esnan cu a bandona, kier bin bek na un zona peligroso rond di e volcan.”
Sero mas halto
Cu 3030 meter, Agung ta e sero mas halto riba e isla. E volcan a explota ultimo biaha na 1963. Esaki a duna mas cu un aña. Casi 1100 persona a perde nan bida.
Indonesia ta sinta riba e asina yama Ring of Fire, manera cu e zona rond di Oceano Pacifico ta wordo yama. Den e area aki, diverso plachi di e cortesa di tera ta bin hunto. Na Indonesia tin mas of menos 130 volcan activo.
Fuente: www.rtl.nl