Casi 34 mil persona a download e App di AZV

Solange Tchong, vocero di AZV ta splica MasNoticia cu e app di AZV mes nan ta hopi contento di menciona cu nan tin entre tanto casi 34 mil downloads di clientenan cu a percura pa registra pa nan Digi Zorgpas.

#Entrevista #Salud Casi 34 mil persona a download app pa diferente servicio y comunicacion mas directo cu AZV

Posted by MasNoticia.com on Friday, October 9, 2020

Loke tabata bunita ta cu tin mayornan cu a pidi AZV pa añadi nan yiunan, cual ta un posibilidad cu tin. A yama tambe un bon bini na tur esnan cu ta haci e servicio pa nan grandinan. Ultimo a mira por ehempel sobrinanan cu a pidi pa bira usuario verifica, cual ta nifica cu AZV ta percura pa registra cu abo lo ta esun responsabel pa un persona grandi of persona cu bo ta custumbra di regla remedinan p’e.

Na altura di tur info di salud y cuido riba Aruba 
E AZV app tin hopi funcionalidad y un di nan ta cu na momento bo registra riba dje, AZV ta percura pa manda bo diferente notificacion of informacion unda ta corda bo riba por ehempel cambio di botica y otro informacionnan valioso. “E ta un forma mas facil cu e app aki pa AZV yega mas cerca di e asegurado, pero tambe pa comunica cu e asegurado. Y pa abo mes como cliente di AZV bo ta keda na altura riba diferente informacion, pasobra hopi biaha comunicadonan di prensa cu ta bay afo ta informacionnan importante cu tambe nos lo comparti via e AZV app”, sra. Tchong ta splica.

Comments

comments