MONTEVIDEO, Uruguay – E ex prome dama y ex guerillera Lucia Topolansky di 72 aña di edad, casa di e ex presidente di Jose “Pepe” Mujica, a asumi diaranson e cargo di vice presidente na Uruguay, tras e renuncia di Raul Sendic diasabra.
Despues di un votacion den Parlamento cu a acepta e renuncia di Sendic, Topolansky lo pasa na presidi e Asamblea General (diputado y senadornan) y e Senado, puesto cu ta conyeva e ehercicio di e vice presidencia di e Republica, segun AFP.
E declaracion di renuncia di Sendic, cu a laga su puesto mey mey di un escandalo pa e uzo di carchinan corporativo oficial, tempo e tabata presidi e refineria estatal Ancap y pa presenta cu un titulo academico cu e no ta posee, el a wordo aproba pa e 123 legisladornan presente den e recinto di e Palacio Legislativo.
Despues di e votacion cu man halsa, “Lucia Topolansky lo pasa na ocupa e presidencia di e Asamblea General y di e Camara di Senadornan,” e senadora Monica Xavier, di e gobernante Frente Amplio, kende a presidi e sesion cu a dura mas of menos cinco minuut.
E lectura ta supone ta e asuncion automatico di Topolansky como vicepresidente, door di a keda den su mannan e nexo entre Poder Ehecutivo y Poder Legislativo.
Topolansky, casa di e expresidente Mujica (2010-2015, ta integra e agrupacion mas vota di e partido mas vota den e ultimo eleccionnan, dentro di e coalision di Izquierda Frente Amplio y esey a pone awo como prome den liña di e sucesion presidencial.
Mujica, titula di e grupo aki, no por eherce e vicepresidencia pasobra e Constitucion di Uruguay ta impedi cu un ex mandatario bolbe ocupa e prome magistratura prome cu a pasa cinco aña di a bandona e cargo.
E exguerillera a integra den su hubentud e Movimiento di Liberacion Nacinal MLN-Tupamaros, e tabata cera durante 13 aña desde poco prome cu e golpi di Estado di 1973. E ta e prome muhe den ocupa e vicepresidencia na Uruguay.
Situacion dificil
E prome acto di Topolansky den su cargo nobo lo ta presidi un sesion di Senado cu lo autorisa un biahe di e presidente Tabare Vazques na e Asamblea General di e Organisacion di Nacionnan Uni (ONU) na New York.
Precisamente, durante e ausencia di e mandatario, e lo reemplasa e frente di e Presidencia di e Republica, un luga cu el a ocupa brevemente durante e gesion ti su casa pa biahenan di presidente y vicepresidente na e mesun momento.
Den declaracionnan na e corant El Observador, el a señala cu su prome obhetivo lo ta “preta un poco e trot” den Parlamento “y saca un monton di ley” p’adilanti.
Topolansky, kende dia 25 di September lo cumpli 73 aña, no ta sconde su tristesa pa e situacion di Sendic, yiu di un di e fundadornan y referente principal di e guerilla Movimiento di Liberacion Nacional MLN Tupamaros, cual el a integra den su hubentud.
Sendic lo ta iha politico pa e matrimonio Mujica-Topolansky y a laga su cargo señala pa su partido di a tin “un modo di proceder inaceptabel den e uzo di fondonan publico.”
Den declaracion na e Radio El Espectador, e ex prome dama a mustra su consternacion pa e episodio di Sendic, cu lo tin cu afronta awo varios causa hudicial.
“Ta dificil e situacion p’ami. Ingresa na un responsabilidad pasobra e compañero tabata tin mester a renuncia den e circunstancianan aki… no ta nada netchi,” el a bisa, visiblemente afecta.
Topolansky a yega di declara cu el a mira e diploma di Sendic, cual a bal’e multiple critica, en especial den e ultimo oranan.
E presidente Vazquez, kende a yega na poder pa di dos biaha, den un formula, hunto cu Sendic den e eleccionnan di 2014 y a asumi na Maart di 2015 pa cinco aña, a elogia Topolansky – hopi mas na izquierda cun’e den e coalicion di Gobierno- y a señala cu ta un “profundo conocedor di e sistema politico (y) profundo conocedor di e realidad di e pais.”
Opositor ta kere cu, cu Topolansky lo bay tin “un funcionamento fluido”
E senador Uruguayo di e opositor Partido Independiente Pablo Mieres a bisa cu, cu Topolansky “lo bay tin un funcionamento fluido.”
Mieres a indica cu apesar di e diferencia politico “lo bay tin un bon relacion entre e (Topolansky) y tur e miembronan di Senado y e Asamblea General” pasobra loke e ta kere cu “lo bay tin un funcionamento fluido,” Efe a señala.
Mieres a señala cu “ta un dia tristo” ya cu ta prome biaha cu un vicepresidente ta renuncia “pa motibonan cu tin di haber cu su directo responsabilidad” y cu “no ta pa laga contento na ningun hende.” “Awe ta un dia di luto,” e senador a bisa.
E senador Uruguayo di e opositor Partido Colorado (PC) Pedro Bordaberry a bisa cu “awe ta un dia di luto,” den relacion na e renuncia di e vicepresidente Sendic.
Bordaberry a critica duramente e presidente Vazquez y di e senador Mujica, kendenan a afirma cu e actitud di Sendic ta “noble y cu curashi.”
Pa e lider di PC, noble y cu curashi “no ta uza e credit card di e Uruguayonan pa beneficio personalY, y a agrega cu tampoco ta “traha un buraco di 800 miyon di dollar den e refineria estatal, Ancap”, relaciona na e supuesto uzo indebido cu Sendic a haci di e fondonan publico di e compania aki cu e tabata tin na su mando, hecho cu a caba na propicia su renuncia.
Pa Bordaberry, Vazquez no por bisa cu Sendic ta “noble y cu curashi” ora cu e Tribunal di Disciplina di e coalicion oficialista Frente Amplio (FA) “den forma concluyente a bisa cu el a procede malo” den e uzo di e carchi corporativo.
“E ta bon pa e renuncia y ta bon pa e enfrenta husticia, loke no ta noble y balente ta tur loke el a haci, e buracho di 800 miyon di dollar, ademas di e uzo di e credit card. E no por ta cu e lo wordo halsa den esaki, ta hopi tristo cu el a haci,” el a expresa.
Consultando riba si papia cu Sendic of pensa di haci’e, el a responde: “No, mi no ta bay papia, mi no ta sinti, mi no ta un falso y mi no ta amigo di Sendic, nos tabata compañeronan di trabao aki y nada mas.”
Fuente: www.notifalcon.com