TEGUCIGALPA, Honduras- E ex PrImera Dama di Honduras, Rosa Elena Bonilla, casa di e ex presidente di Honduras, Porfirio Lobo (2010- 2014), a wordo deteni diaranson pa autoridadnan di e Agencia Tecnico di Investigacion Criminal (ATIC) na Tegucigalpa pa un presunto caso de corrupcion.
Segun prensa local, e detencion di Bonilla a keda registra na su residencia, den e sector di El Chimbo, den e parti extremo oost di e capital. Esaki tabata un operacion coordina pa Ministerio Publico.
Bonilla, kende a wordo deteni pa 6 or, ora local, ta wordo acusa di a transferi placa di un cuenta bancario di un programa social pa un conoci di dje pa un suma di 12 miyon lempira (casi 560 mil dollar), faltando cuater dia pa e mandato di su casa termina, dia 27 di Januari 2014.
Dia 22, e Conseho Nacional Anticorrupcion di Honduras (CNA) a presenta seis liña di presunto actonan di corupcion den e adminsitracion publico cu ta implica e ex Prome Dama, un ex gerente di Energia, dos diputado y un magistrado di Poder Hudicial, entre otro.
Den e caso di Bonilla, CNA dia 31 Maart 2017 a presenta un denuncia na Ministerio Publico den su contra pa e delito di malversacion di fondonan publico pa uzo propio”.
E denuncia a wordo entrega, segun CNA< despues di cu e organismo, mediante un investigacion, lo a comproba cu dia 22 Januari 2014 Bonilla a retira di un banco 12 miyon lempira cu tabata ariba un “cuenta di Cas Presidencial/Oficina di Prome Dama” y a transferi esakinan ariba un cuenta personal.
E ex- Prome Dama a nenga e acusacionnan a trabes di su abogado, Julio Ramirez, cu dia 22 Februari ultimo a califica como un “circo”, e denuncia di CNA y el a afirma cu su cliente ta inocente di tur acusacion.
E detencion di e ex Primera Dama a bin despues di cu e ex hefe di e Mision di Apoyo contra Corupcion y Impunidad di Honduras (Maccih), Juan Jimenez, a anuncia diasabra ultimo, prome cu el a bandona e pais, cu e siman aki lo tin bon noticia riba casonan conoci di corupcion, entre nan esun di Bonilla.
Maccih, cu ta depende di e Organizacion de Estadonan Americano (OEA) y cu a wordo funa na Honduras dia 19 April 2016, a bin ta traha hunto cu Ministerio Publico den varios caso di supuesto corupcion, entre cual funcionarionan di varios gobierno como tambe diputadonan.
Fuente:https://www.diariolibre.com