PUERTO PLATA, Rep. Dominicana- Husticia Dominicano a impone un aña di aresto preventivo na e acusadonan den e asesinato di e ciudadano Hulandes na Altos de
E acusadonan ta Jennifer Joaquín de Van Tinteren casa di e víctima; Marcos Gomez Cruz (Colita), di 21 aña, y Juan Alejandro Tavarez (El Jevo) , di 26, e dos ultimo nan aki deteni den e municipio di Los Alcarrizos.
Según investigacion e acusadonan a bini hunto pa planea e morto di e ciudadano Hulandes cu e meta di cu e casa ta keda cu e herencia. E muhe a paga e sicarionan e suma di 200 mil peso y a suministra e datonan di e luganan cu nan lo bishita, cualnan lo a facilita e ehecucion di varios impacto di bala. CASO
Dia 26 di februari ultimo, polis ta bin haya e ciudadano Hulandes, Roy van Tinteren, morto di un tiro den cabes, na Altos de Cofresi, na ocho km den e ciudad di Puerto Plata.
Un informe preliminar ta revela cu Roy van Tinteren, di 55 aña, cu tabata biba den un apartamento riba e Malecon di Puerto Plata, a fayece a causa di un herida di bala den cabes y otro na su brasa.
E informe ta splica cu e ciudadano Hulandes a wordo kita di tur su pertenencianan pa e atracadornan un poco prome cu 4 or di marduga di e diahuebs, 26 di februari.