LONDON, Gran Britania- Prins Harry di Inglatera y e actriz Mericano Meghan Markle ta comprometi, segun un comunicado di Cas Real Britanico. E pareha lo contrae matrimonio den e di dos trimester di 2018.
Harry y Markle a formalisa nan compromiso na comienso di e luna aki, segun Kensington Palace a informa ariba Twitter.
Prins Harry ta e di cinco den liña di sucesion di e corona Britanico. Markle ta un actriz Mericano miho conoci pa su papel den e serie “Suits”.
“Nos ta sumamente contento pa Harry y Meghan”, según un comunicado di prins William y su casa Catherine, duke y dukesa di Cambridge. “Tabata un placer di a conoce Meghan y pa wak con feliz Harry cu Meghan ta ora nan ta hunto”.
“Reina Isabel y duke di Edinburgh ta contento pa e pareha y ta deseanan hopi felicidad”, según e vocero di Buckingham Palace.
Reina Isabel y duke di Edinburgh ta e welonan paterno di Harry.
Fuente: http://cnnespanol.cnn.com