Diasabra 2 di November tin e final di e certamen nan Princess Aruba, Little Miss Aruba y PreTeen Aruba 2019 den Cas di Cultura. Na caminda pa e anochi final Cas Princesa a organisa 2 evento bunita y moderno cu e candidatanan. Fashionshow 2019. E prome tabata e Fashionshow 2019 na Paseo Herencia unda cada candidata a presenta trahenan unico yena cu fantasia luhoso di diseñado nan local. E ganado nan ta ser anuncia e anochi final di e certamen nan. E artistanan invita tawata Kingston Tromp di Kiniki Festival, The Chaz Dancers y Diamond Dancegroup. MC tabata Addonsito Croes. Nochi di regalo. E anochi di regalo a tuma luga na Center Court Restaurant di Aruba Racquet Club. E anochi aki tabata e anochi cu cada participante a regala otro un aprecio den forma di regalo. Tambe fundacion Cas Princesa a entrega na e 3 reina nan saliente un bunita recuerdo. Pa ticket y informacion di e certamen final por check e pagina di Facebook di Cas Princesa Aruba of yama 7399449. Danki na Zoomaruba.com pa e potretnan.