E siman cu a pasa Cas Princesa Aruba tawata representa pa dos di su beyesa nan infantil/pre teen na Republica Dominicana. E dos beyesa nan aki tawata ta Danielle Reymarkers (Baby Mini World Aruba) y Annais Thiel Pre-Teen World Aruba E certamen international tawata ta Mini y Pre Teen World 2019. Cu orguyo y alegria Cas Princesa bao guia di Jessica Anthony por anuncia cu Danielle Raymarkers y Annais Thiel a keda cada un como Primera Princesa den nan categoria. Un total di 12 pais a participa na e certamen cu a ser efectua na Republica Dominicana. Esaki nan tawata Venezuela, Republica Dominicana, Brazil, Ukraina, Mexico, Colombia, Chile , Peru, Puerto Rico, Bolivia, Guatemala y Aruba. Tanto Danielle como Annais a haci Fashion show, talent show y photoshooting. Den 2018 Aruba su representante Sendy Loefstop tawata e Preteen Model World 2018. Mas informacion tocante di e competencia nacional di 2019, por tuma contacto cu Jessica Anthony na telefoon 7399449 of bishita e pagina riba Facebook di Cas Princesa Aruba.