Recientemente tabata tin e ponemento di e prome piedra pa e cas nr. 59, pa loke ta Cas di Lions. Sra. Magaly Franken, di comision di rifa di 59 ta un honor pa ta testigo di e dia historico aki, cu e ponemento di e prome piedra di e cas di Lions na Jan Flemming.
Pa Sra. Franken ta un honor pa ta testigo di e ponemento di e prome piedra di e cas di Lions na Jan Flemming. E rifa di e cas di Lions, ta un di e proyectonan mas grandi e Lions Club, pa recauda fondo pa asina hinca esaki bek dne comunidad. Lions Club tin diferente proyecto. Nan tin un proyecto di rolstoel, cual ta yuda hendenan cu por a haya un stroke, of cu pa un of otro manera a cay den rolstoel. Camanan di hospital tambe ta un proyecto cu nan ta traha hopi cun’e, pa hendenan cu ta pa hopi tempo riba cama, pero cu no por keda mas na hospital.
Lions Club tambe tin e proyecto di Smile Mobile, cual ta un di e proyectonan mas nobo cu nan tin. E Smile Mobile ta un laboratorium riba wiel, nan ta bay na casnan di nos grandinan, yudandonan cu nan dentadura. Lions Club ta hopi contento, pa motibo cu salud ta cuminsa via boca.
Aruba Lions Club tin un club special pa e hubentud, cual ta e Leo Club, cu ta wordo guia door di Ivan Croes y tambe un Leo Club cu ta hopi activo. Tambe tin muchanan jong cu tin hopi proyectonan den nan cabes pa realisa.
For di cada 25 florin paga pa gana e cas, bo por ta orguyoso di bo mes, paso bo ta yudando bo comunidad. Sra. Franken a gradici pueblo di Santa Cruz pa a acepta pa por construi e cas den e bario aki. Specialmente na famia Flanegien cu ta dispuesto pa pone e prome piedra.
Lions Club tin nan comision di rifa cu ta activo den esaki. Danki tambe na e rebendedornan cu ta dispuesto pa yuda bende e rifa. E rifa aki lo tuma luga dia 9 di Juni. Y segun Sra. Magaly Franken, un cos ta sigur, cu e cas lo no keda aden. Esey no ta bay ta un problema!