Cas na Weg Sero Preto a wordo tumba

Despues di basta aña cu e bisiñanan y scolnan tawata haya molester di e cas na Weg Sero Preto nr. 3 porfin awe a logra keda cla cu e opruiming completo.

Pa varios aña BCI tawata haya kehonan di e habitantenan den vecindario y tambe di e personal di e scolnan. Adictonan tawata usa e cas pa usa droga scondi. Esaki tawata un super mal ehempel pa e studiantenan den e vecindario. E dak di e cas tawata di asbest y esaki tawata un di e motibonan cu a tarda pa por a logra porfin di laga un compania profesional desmantela e asbest completo bou guia di D.T.I. y despues nos Compania Nacional Serlimar a logra di ruimop e resto di e cas completo. Nos a papia cu algun di e habitantenan den vecindario cu tawata super contento cu e trabou porfin a wordo haci. Danki ta bay na Serlimar, D.T.I., D.O.W. y K.P.A. y tambe na Gobierno di Aruba.

Comments

comments