Diaranson, pa mas of menos 1’or di marduga, Central ta dirigi patruya na un adres na Rooi Santo pa un ladronicia. Eynan a papia cu un turista Hulandes yama B. cu hunto cu otro cuater amigo ta huur un cas. B. a declara na polis cu diamars, pa mas of menos 8’or di anochi a bay sali. B. a declara cu nan a laga e cas na yabi y full cera y tambe e sistema di alarma tambe a wordo conecta. Diaranson, pa 12’or y 40 di marduga, nan a bin bek y a ripara cu e bentana di camber banda pazuid di e cas tabata completamente kibra. Desconocidonan a pasa door di turnan pertenencianan y a reboltea e cas. B. a mira un boormachine den un saco blauw doorzichter a wordo laga atras. Desconocidonan a bay cu diferente articulo. Departamento tecnico y central a wordo poni na altura.