Cas Marie ta trece un alivio pa famia di clientenan

Cas Marie diadomingo ultimo a cumpli 15 aña di existencia y dialuna a ricibi bishita di Su Excelencia Gobernador Alfonso Boekhoudt.

Lisette Does, coordinador di Cas Marie a expresa alegria di por a ricibi Gobernador y mustra con ta atende cu e clientenan.

Na Cas Marie e clientenan (cu tin dementia) ta haya terapia social, pa e sinti su mes na cas y contento. DI e forma aki ta duna e famia tempo pa su mes mientras e cliente ta na Cas Marie.

 

E cas di cuido aki tabata iniciativa di Boy Escalona, kende su esposa tabatin ALzheimer. El a mira e necesidad di dje y cu tabatin bou di hopi famia. Den nan 15 aña di existencia a atende cu masha hopi hende y ta agradecido na tur hende cu a coopera cu nan.

Comments

comments