Dialuna atardi den MJ Niewindstraat na San Nicolas un cas inhabita a pega completamente na candela, e candela a bira asina grandi cu tabata menasa pa esnan rond. A despacha brandweer y polis cu urgencia. Polis a cera e caminda pa ningun hende yega cerca y cuminsa evacua bisiñanan,mientras e prome truck a presenta y a cuminsa combati e candela grandi aki. Rato rato e candela tabata bira mas grandi y tabatin tiki personal di brandweer. Polis mes a mira e situacion tabata fastioso pa e tiki bomberonan y hasta a cumpra awa pa duna e bomberonan cansa. Despues e otro truck a yega pero asina e candela tabata grandi.
Un personal di brandweer a bira malo na e sitio y a solicita ambulance pa brinda asistencia medico.
Ta di lamenta cu un truck cu tiki personal a hayanan mes confronta cu e situacion cu tabata peliger un momento.
Unda e tankwagen ta? pakico staciona pornada
E pregunta ta unda e famoso tankwagen cu a show cune cu supuestamente ta nobo ta? Staciona ta pronk na Tanki Flip ni por sali caya debi problema cu airco y bateria para caba. Ultimo tempo tin basta candela grandi y ta saca otro trucknan y tin un tankwagen cu a costa Aruba basta miles di florin y ta den fresco henter dia sin por haci uso di dje. Un Cuerpo di Bombero sin pia sin pia, un leiding cu a keda poni pa complase personanan sin experencia pa ta na malo y un na cabes cu no sa nada di bombero cu tabatin mas cu 10 aña na cas, y pa cierto motibonan a keda poni y no sa con pa rond un Cuerpo cu ta di importancia pa un pais Aruba momento cu algo grandi pasa. Ta spera cu e minister actual di husticia por habri su wowonann y drecha e bestuur ki lo mas pronto, pone hende cu sa di e cuerpo na cabes.
