Cas di Cultura di hopi reto, segun Vicky Arens, directora di e instituto. Nan ta positivo pasobra siman pasa tabata tin bishita di Louis Janssen di Theater Advies BV di Hulanda, kende a haci un screening di full e edificio, di tur e deseonan, con kier bira mas eficiente, con kier expande, unda kier bira miho, tanto den servicio, logistica di e edificio, hopi interesante y a motiva sigur pa sigui. A sinta cu diferente instancia, entre nan Monumenten bureau y Monumenten fonds, pa sondea tur opcion cu tin pa renobacion y restauracion. Esey ta un proyecto den full swing, segun Arens.
Tin un plan pa expancion den futuro. Esey ta inclui den e proyecto aki tambe. Claro tin un demanda caminda cu tin cu wak kico ta real di e demanda. Tin un manera tambe pa boek mas eficiente tambe. Tin cierto parti di publico of clientenan cu tin cu yega mas prepara.
Si tur esey sosode tambe, por tin mas espacio liber of mas ora liber pa acomoda mas hende. Esey ta nifica tambe, mas trahado, mas ora di trabao, expansion, kiermen tambe mas airco, mas coriente, mas mantencion. Mester haya e balansa bon pa no bay haci dimas. Tin cu busca un bon balansa pa e keda comodo y no horca despues tampoco door cu e ta asina grandi, etc., segun Arens.