Cas di Cultura, Aruba su Teatro y Centro Cultural Nacional, ta entusiasma pa anuncia su produccion di fin di aña tan anticipa, Grease: The Musical, na su idioma original, Ingles. E interpretacion emocionante aki di e clasico stima lo subi escenario na december 2024, primintiendo di ta un presentacion di energia halto, ehecuta pa Aruba su hobennan mas talentoso, cu musica iconico y historia atemporal cu a capta curason pa generacionnan.
Como parti di e mision continuo di Cas di Cultura pa fomenta aprecio y educacion di arte, Grease: The Musical no solamente lo atende cu e entusiastanan di teatro pero tambe tin como meta pa atrae un publico mas amplio, particularmente e generacion mas hoben di Aruba. Den liña cu e meta aki, Cas di Cutura ta ofrece oportunidad exclusivo pa studiantenan di scol secundario experiencia e magia di teatro bibo atraves un competencia di video cu ta invita scolnan pa interpreta escenanan di Grease di un manera creativo, y e scol ganado lo disfruta di un presentacion gratis di e musical. Mas informacion over di esaki lo sigui.
Pa sigui envolve e comunidad y haci e produccion aki accesibel pa un y tur, Cas di Cultura ta encanta di por partner cu Super Food. E colaboracion aki ta trese un promocion emocionante caminda clientenan tin e chance di gana carchi pa Grease cu cada compra haci na Super Food. Cas di Cultura ta hopi agradecido na e fondonan cultural y spornsornan di e evento aki esta, Fonds Podiumkunsten, VNO, Harry Koeman Fonds Op Naam (via CCG), SIXT Car Rental, Arubabank, Grant Thornton, Rasti Rostelli, DC Tax Solutions, New India Assurance y CEDE Aruba.
Detayenan Importante:
Evento: Grease: The Musical
Fechanan: december 12, 13, 14 (dos biaha), 2024
Lugar: Cas di Cultura, Oranjestad, Aruba
Carchinan: Obtenibel na Super Food, Cas di Cultura, Plaza Book Shop, y Pay.aw. Mas punto di benta di carchi lo wordo anuncia despues!
Promocionnan Special:
Super Food Ticket Giveaway: Gana carchi cu cada compra na Super Food.
Showcasenan gratis: Grease cast tour y un show pa scolnan secundario.
Competencia di Video: Scolnan Secundario por entrega videonan creativo pa un chens pa gana un presentacion gratis.
E produccion aki di Grease ta mas cu djis un evento teatral; e ta un comprobante di e compromiso di Cas di Cultura pa enrikece e panorama creativo y artistico di Aruba. Cas di Cultura ta invita un y tur pa compaña nos den e celebracion aki di musica, baile y drama, y pa forma parti di un experencia teatral inolvidabel. Ban bini hunto pa sostene y disfruta di un produccion cu lo laga un impresion duradero riba tur cu ta asisti.
Pa mas informacion tocante e evento, carchinan, of participacion na e competencia di video di scol, por tuma contacto cu:
Cas di Cultura Telefon: +297-582-1010
Email: [email protected]
Website: www.casdicultura.aw
Tocante Cas di Cultura:
Cas di Cultura, e Teatro y Centro Cultural Nacional di Aruba, ta dedica na promove arte, fomenta educacion cultural, y sirbi como un plataforma pa expresion artistico. Cu un historia rico y un vision renoba pa futuro, Cas di Cultura ta sigui ta un pilar di herencia cultural di Aruba.
- Latest
