E rabo di e caso di un filmacion di un escena sexual ta sigui hala atencion. Manera ta conoci, gerencia di aeropuerto ta analisando e situacion despues cu a bira conoci cu personanan den e video ta labora den e facilidad aki. Pero un institucion tambe a tuma medida contra e homber den e video.
Manera ta conoci, pa mas cu un siman caba tin un video den circulacion cu un contenido sexual explicito. Den e video tin tres persona, un homber y dos hende muhe. E homber ta ta traha a base di contracto na un cas di cuido pa hende grandi of personanan malo. Despues cu e video aki tin un siman den circulacion, gerencia di aeropuerto a dicidi di analisa e situacion y a pidi su empleadonan pa no sigui comparti e video aki.
Awe e noticia a drenta cu gerencia di e cas di cuido tambe a dicidi di tuma medida, ya cu loke a pasa ta pone nan imagen den luz negativo. A dicidi di kibra e contracto cu e homber, kende tabata brinda servicio como security guard.
Pa loke ta e video, ta papia cu tin en total tres video. Den esun cu mayoria di hende a mira, por mira e di tres persona (un hende muhe) den background. Y na final por mira cu ta parce cu dos hende a filma via di e buraco di e porta (e man no t’ey) cu convenientemente no a wordo drecha despues cu e man a kibra. Por mira con esun cu ta filma dilanti, a wordo filma tambe door di un otro persona para su tras.
Otro informacion cu a ricibi ta menciona cu ta haciendo un investigacion, pasobra ta papia di set-up y tiramento di droga den bebida. Pues un deslize aki, awor por resulta algo completamente diferente unda cu si e dos hende muhenan tabata victima, tempo y investigacion lo mester demostra esaki.
Banda di esaki por a compronde cu tin mas video di e mesun tipo aki den cual tin funcionarionan publico ta aparece.