Diabierna anochi na Caya Frere Alexius habitante a reporta na polis cu tin un pelea formal na un cas y tin sanger, di biaha patruyanan di Oranjestad a presenta y a busca persona pa haya informacion pero nada. Polisnan ta topa cu basta sanger pafo den cura y ora a bay wak na bentana di un apartamento a topa cu e cas full na sanger.
Di biaha a informa pa departamento tecnico presenta pa saca potret di ful e situacion. Familiar a presenta y a compronde cu ta trata di un mucha muhe di 17 aña cu tur dia tin problema cu e pareha cu e ta cune y nan ta bringa formalmente, te hasta habitante a presenta informa polis cu nan ta cansa di pelea tur dia e homber ta maltrata e dama pero ta mustra cu e dama mes ta gusta y ta keda cu e homber abusador.
Rato despues e dama herida a presenta y a informa polis cu ta trata di un pelea formal cu a cuminsa mainta y merdia e homber a tira un sker den su direccion y a corta e dama malamente na su curpa.
