Den Koningstraat gai cora a canta diamars merdia pa un cas completamente na candela y vlamnan halto tabata sali for di e cas, di leu por a mira e humanan preto tabata sali for di e cas. Di biaha a despacha unidadnan di brandweer cu urgencia, polis y hasta ambulance debi cu tin persona kima.
Dos truck di brandweer a yega di biaha n’e sitio y bomberonan a drenta accion di biaha pa combat e candela grandi aki. Den e cas momento di e candela tabatin tres persona, di cual dos a haya kemadura na curpa y un mas grandi cu otro.
Polisnan tambe a presenta pa pone nan mes na altura y controla cu e area ta sigur. E personanan herida a keda transporta pa hospital. Desconoci kico tabata causa di e candela ta esnan den e cas lo tin cu informa autoridad.