Gai cora a canta diasabra marduga den Tarabana den Fiyostraat pa un cas na candela, huma y explosion a lanta habitantenan di e bario y a informa centro di alarma di un cas completamente na candela. Di biaha a despacha dos truck di brandweer y polis cu urgencia.
Na yegada di prome patruya policial a constata cu e candela ta for di control, y tin un persona cu mester di atencion di paramediconan di ambulance. Bomberonan a drenta accion di biaha pa combati e candela rapidamente. A notifica recherche y departamento tecnico pa haci nan investigacion. Paramedico a brinda asistencia na esnan cu a haya kemadura.