WASHINGTON D.C., Merca – Gobierno di Donald Trump a nenga entrada na varios organisacion di noticia, entre otro CNN, New York Times, Los Angeles Times y Politico, kendenan no tabata tin mas di participa na e conferencia di prensa. Riba protesta AP y Time no a presenta.
Fuentenan di noticia derechista, Breitbart News, The Washington Times y One America News Network, si tabata tin mas di ta presente den durante e conferencia di prensa.
Algo asina nunca a sosode cu nos den tur e añanan cu nos a cubri diferente Gobierno di diferente partido politico,” segun e redactor principal, Dean Baquet, di New York Times.
Donald Trump a laga sa varios biaha cu e no ta worry mucho cu CNN y a yama e organisacion pa “fake News”. Tambe diabierna tabata basta fuerte contra varios otro organisacion di noticia durante e Conservative Political Action Conference (CPAC), un congreso grandi anual di politiconan conservativo.
Enemigo
Trump a bisa cu hopi periodista ta “enemigonan di e poblacion”. “Nan ta enemigonan di e pueblo pasobra nan no tin fuente. Nan ta inventa algo gewoon si nan no tin nada.”
E presidente no a enfatisa riba tur media, pero solamente “fake news media”. “Mi ta contra solamente periodistanan cu ta inventa fuente y storia,” segun e presidente. “Nan no ta bisa e berdad. Nan no ta representa e pueblo. Ami si. Y ami ta bay haci algo cu esaki.”
Fuente: Nu.nl