Diadomingo anochi gai cora a canta den Dakota pa un cas na candela den Guyabastraat, habitantenan na grito a yama centro di alarma informando unda a despacha dos truck di brandweer cu urgencia.
Na yegada di e trucknan di brandweer ta topa cu un conocido cas cu siman tras di lomba brandweer tabata t’ey presente caba pa candela. E biaha aki candela a bira grandi pero bomberonan a domine lihe.
Habitantenan a bolbe aserca nos reportero cu nan ta cansa, ta pidi ayudo di Polis di Bario, DIP, haci algo pa caba cera e cas, ya cu e cas tin doño pero nan no ta worry cu nada, tin hende grandi ta biba den e area y habitante tin miedo di laga bentana habri pa ora tin candela nan no keda sofoca pe huma.
