Diamars den careda di 11’or di mainta centro di alarma a keda informa door di habitantenan di Weg Sero Blanco na San Nicolas cu tin un cas na candela y nan ta bringando cu esaki pero no ta logrando debi cu parti di e cas ta di palo. A despacha dos truck di brandweer un a sali fo’i San Nicolas y e takewagen a sali fo’i airport.
E prome truck a drenta accion di biaha y topa cu e cas cu abou ta beton y parti ariba ta completamente di palo. Sushi den bari lo tabata e causa cu a kima e parti di e palo di e cas y asina e candela a cana basta lihe y kima e cas completo. Polis tambe tabata presente pa pone nan mes na altura.