“Kerido amigonan, danki pa boso valentia, nos a completa e prome fase di e Mision Zika. Pero e bataya ta recrudece ora cu ta yobe. Boso mester localisa y elimina tur e luganan unda ta cria sangura den boso cas y scol…”
Cu e palabranan aki, Cartoon Network America Latina ta cuminsa cu e di dos fase di Mision Zika, un campaña educativo cu ta combina animacion y actuacion den avisonan di interes publico. E campaña, cu ta forma parti di Movimiento Cartoon, e programa di responsabilidad social corporativa di e marca den e region, ta busca pa motiba muchanan pa participa den e lucha contra e virus di Zika, siñando nan na elimina e luganan unda cu e sanguranan ta reproduci y motivando nan na modifica custumbernan chikito den nan cas y na scol. E avisonan ta wordo transmiti via Cartoon Network America Latina na Spaño, Portugues y Ingles.
E campaña nobo aki ta fruta di e continuo colaboracion entre e marca lider den entrenimento infantil y e dos organismonan clave di Nacionnan Uni: OPS, cu ta traha pa mehora e salud den tur pais di America y UNICEF, cu ta traha pa proteha e muchanan rond mundo. E prome fase di e campaña a wordo lansa na Mei di 2016 pa crea conciencia riba e virus di Zika, cu ta sigui ta un menasa den e region, afectando principalmente muhenan na estado y nan baby.
E instruccionnan di Misin Zika, cu muchanan por download, ta haci un yamado na tur “superheroe” pa nan yuda detene e propagacion di e virus y ta proteha nan mes, nan famia y vecindarionan. “… Mester localisa y elimina den nan cas y nan scol, e luganan cu ta reproduci e sanguranan, manera awanan para de bari, taira, baki di awa pa mascota y hasta tapa di boter. Yena e bakinan di mata cu tera, pone screen na porta y bentana, uza repelente y corda cu muhenan na estado pa nan bisti paña cu manga largo, saya largo of carson. Nos mester detene e criaturanan peligroso aki y evita pa nan multiplica. Nos destino ta den boso man.”
“Conforme e virus di Zika y otro enfermedadnan cu ta wordo transmiti atrabes di sangura, ta sigui ta un menasa den hopi comunidad, ta complace nos traha cu Cartoon Network America Latina y UNICEF pa motiva e poblacion, specialmente muchanan, na contribui na detene e propagacion di infeccion den America,” dokter Carissa F. Etienne, directora di OPS a señala. “Nos principal herment pa combati zika- y e mesun momento dengue y chikungunya – ta control di sangura Aedes cu ta biba den cas y rond di casnan y ta pica hende. A medida cu e muchanan ta informa, danki na e campaña di Cartoon Network, por yuda na e esfuerso di recudi e cantidad di sangura y asina preveni enfermedad y salba bida,” el a añadi.
Fuente: El Universal