E isla chikito di Carriacou, ubica panort di Grenada, a wordo golpia directamente p’e wowo di horcan Beryl. E tormenta a pasa net pazuid di e ciudad di Hillsborough afectando significativamente e parti aki di Grenadies, cu administrativamente a pertenece na Grenada. Actualmente no ta posibel pa establede comunicacion y no sa di e alcance di e dañonan y posibel lesion persona.
Algun ora pasa, e trayectorio di e horcan tabata situa aproximadamente dies kilometer mas p azuid, loke a premira cu e dos islana inhabita panort di Grenada lo tabata esunnan directamente afecta. Sinembargo e cambio di direccion a hiba e impacto principal na Carriacou.
E Centro Naional di Horcan a pronostica awasero fuerte y inundacion local n’e islanan entre Grenada y Sint Vincent & the Grenadies. A recomenda e residentenan di e areanan aki pa busca refugio di inmediato.
Beryl lo mantene como un horcan potente mientras cu e ta avanza door di Lama Caribe e siman aki. A emiti un advertencia di horcan pa Jamaica y ta pidi e personanan di Cayman Islands, Belize, e peninsula di Yucatan y e resto di noordwest di Caribe pa monitor di cerca e trayectorio di e horcan.
Ta spera cu p’e islanan ABC (Aruba, Boneiro y Corsou), ubica den zuid di Lama Caribe, tambe por experencia impacto indirecto, manera awasero fuerte y ola halto, mientras cu horcan Beryl ta continua cu su trayectorio west-noordwest. E habitantenan y e bishitantenan di e islanan aki mester ta prepara y sigui e indicacionnan di autoridad local pa nan proteha p’e posibel efectonan di e horcan.