Secretaria di orden di abogado Caroline Hart a splica cu na Corsou si a logra haya un aumento pa haci e trabou di abogado liber.
E ta comenta cu na Corsou basicamente e orden eynan y e abogadonan cu ta core piket tambe tabata tin e mesun problema. Nan a bring e mesun lucha basicamente cu aki na Aruba. Na Corsou si nan ta un tiki mas leu. Nan ta den e fase caminda cu tin un areglo caba pa no solamente un redoblacion, na e 1800 florin manera cu ta pidiendo na Aruba, pero pa cada biaha tin cu asisti un sospechoso den un verhoor, manera cu a cuminsa exigi desde Maart 2016, nan ta bay haya un vergoeding extra di 450 florin. Si tuma tur esaki na cuenta, basicamente loke cu e orden na Aruba ta pidi ta e mas minimo cu por pidi den casonan asina den ahuste. Nan ta den un fase basta leu. E ley ta traha. E tin cu wordo pasa ainda door di Staten. Nan no ta hayando e placa ainda, pero esaki a wordo hinca den e ley y e ley ta den fase di rond af. Na Aruba, abogadonan no ta asina leu, nan lo ta happy si haya un toezegging concreto cu e ministernan concerni bisa cu nan lo percura pa e placanan wordo aloca, pa por sinta na mesa pa e ley wordo traha. Ya e ta un paso den un bon direccion. No ta spera cu pa otro siman ta na loket di finansas pa e check di redoblacion, pero sikiera cuminsa cana e caminda pa cambia e ley pa aloca e fondonan y e ora ey por yega na otro mas lihe posibel. E mesun asunto aki, si por sigui media, corantnan di St. Maarten, un abogado cu ta haci casonan di piket na St. Maarten a dicidi riba su mes pa cuminsa tambe cu welga y el a haya sosten di su coleganan y e orden di St. Maarten tambe a sostene den esaki. Basicamente den henter Caribe Hulandes esaki ta un issue. Boneiro cu ta cay directamente bao di Hulanda a regl’e miho. Nan a haya nan ahuste caba y e ta wordo paga caba. Nan tempo di espera pa nan pago ta hopi mas cortico. Awor aki no ta bal la pena pa bay elabora riba tempo di espera. Segun Hart, si e ahuste wordo duna, e tempo di espera ta bira bijzaak. Pero ta bon pa cuminsa por lo menos, purba di yega na otro y kier duna nan sosten y e asistencia na e sospechosonan gustosamente, pero nan kier pa pueblo compronde tambe cu kier traha pa un placa husto, segun Hart.