Riba e tema di permiso pa lama no mester manera un avion. Esaki ta wordo hinca den un otro forma den otro, segun director di Directie Scheepvaart, Carlyle de Coteau a splica.
Di loke a compronde di imigracion y douane, esaki ta full un otro proceso. Tin palabracion den mundo di crucero y tin otro palabracion den e caso di ferry. Si ta bin cu e mesun acuerdonan cu ferry, pero esey nunca a bin na remarca ainda y no a sinta cu e grupo aki particular, pa mira of pa papia cu nan of pa haya sa e intencion con nan kier haci’e.
Awor aki no ta bay wak’e ta bay cuminsa funciona pa awor aki, manera cu e grupo ta pretende cu kier cuminsa opera.
E grupo tin un representante riba e isla, segun de Coteau. Ora cu APA a informa e agencia cu nan ta bay yama Directie Scheepvaart pa un reunion, ta preferibel pa sinta cu tur hende na mesa y wak con ta bay haci esaki, pa por mira kico e plan di e grupo ta. Despues cu sinta cu nan, ta informa minister, y si tin cu bay ministerraad pa busca un decision.