Den medionan di prensa y di medionan social, cu tin un ferry cu kier bin opera na October y Directie Scheepvaart no tabata sa di e compania aki. Ora cu a haya sa, e cabesnan tras di e compania, tin cu bisa cu 3 aña pasa, a sinta cu e individuonan aki y nan a bin busca informacion pasobra nan tabata interesa pa cuminsa cu un servicio di ferry entre Punto Fijo y Aruba. Manera semper ta bisa, cu Directie Scheepvaart ta e miho amigo pa busca informacion y a suministra esaki. E grupo a pidi hasta mas. A splica e grupo kico tur tin cu haci.
Despues di e reunion aki, nunca mas a tende di nan. Manera ya indica ya ta un tempo atras. De Coteau, algun luna pasa un potret a keda publica cu un ferry cu Paraguana riba dje, cu e intencion cu kier cuminsa duna servicio na Aruba. E minister a puntra si e sa di e caso particular aki, di cual de Coteau a splica cu e no sa di nada. A informa na Aruba Ports Authority, kendenan a confirma cu nan tampoco sa di e compania aki y a informa minister y a bisa cu no sa di nada.
Despues e idea a muri, te cu siman pasa a haya tende cu e grupo aki kier cuminsa cu un operacion na October.
Un representante a pidi pa topa cu Directie Scheepvaart, pero de Coteau no tabata sinti pa reuni cu nan. Desde cu de Coteau ta na directie Scheepvaart, el a sinta cu 10 pa 12 grupo cu ta interesa pa cuminsa cu operacion di ferry. Si no tabata ta Venezolano ta grupo di Arubianonan mes, si no ta grupo di Arubiano mes, ta grupo for di Corsou. Tur a sinta cu nan y tur a splica nan y despues di esey nunca mas a tende di ningun di nan.
Ora cu havenmeester a bay sinta cu e agencia, pa haya mas informacion, a bin ripara cu tabata e grupo cu a sinta cu nan tres aña pasa. De Coteau mes a keda straña cu nan a bin padilanti y basta avansa cu nan trabao. Algun dia despues a bin haya sa cu e grupo kier bin opera na fin di October. Aki a bira un tiki incomodo y a bisa cu no por, segun de Coteau.