Carl Michael Bikker presidente di Centro di bario Dakota a informa den un entrevista cu e edificio tin 49 aña di existencia foi 4 di december 1976 a habri su portanan, un club cu practicamente tabata soño di e hungadornan di e bario di Dakota cu tabata kier un Clubhuis y a sufri hopi aña tras di aña y despues di 30 aña e Sportvereniging Dakota ta existi a logra di habri un centro di bario y deporte aki den e bario di Dakota.
Nos ta hopi contento cu tin 1 aña y mei como presidente di e organisacion y nos a pone como vision y meta cu kier reconstrui centro di bario y embeyece y reconstrui tin un masterplan traha hopi aña pa ehecute. E no ta bay facil manera tur hende sa un Centro di Bario ta depende di patrocinio y nos ta haya yudansa di Cede Aruba y Gobierno y Lotto sa yuda den cierto proyectonan, esaki ta depende na e Minister y Gobierno na manda con e ta yuda y con su plan di maneho pa loke ta trata barionan. Mi ta spera cu e atencion por continua den e trabou boluntariamente cu un bestuur ta haci den un centro di bario sin yudansa e no ta bay.
Trabounan ta tumando lugar awor aki na Centro di bario Dakota, e prome fase di embeyecemento di nos entrada y e ta un trabou duro cu a inicia y un bingo cu nos a organisa na comienso di aña. E fondo aki nos a inverti y cuminsa cumpra material y bo tin un contratista cu apesar di su curason a baha tur prijs y ta gradici inmensamente Apex y Metacorp cu tambe a duna un man. Sondea aki nan nos a haya yudanda di Wind Creek cu tin un fundacion cu ta duna bek na comunidad di We Care cu asina nos por a haya fondo pa yuda paga e contratista parti dilanti y tin gradici Hubert Dirks di Compra cu tambe a duna un man.
Awor aki nos ta den e fase di sigui busca e fondo riba mercado y nos kier pa esnan di e bario di Dakota y hendenan cu ta aprecia centro di bario su hendenan cu ta trata diariamente y riba nos pagina di Facebook tin nos cuenta bancario y nos no ta pidiendo bo pa duna fuera di bo budget si bo por yuda cu 1 florin mes e ta mas cu bon bini.
Te hasta e veld di futbol a haya cambio a cuminsa pone hekwerk pa e siguridad pa e muchanan y e fondo ta pone cu nos falta un gran parti ainda y nos ta trahando riba esaki y danki na Lotto cu a haya yudansa pa cuminsa coba un mini veld pa e turf pa tur esnan cu ta gusta hunga minizaal, nos ta contento di a haya un cooperacion di Lotto pa e proyecto aki bira un realidad pronto.
