Riba e di diesdos conferencia di e Intergovernmental Coordination Group pa Tsunami y otro
Regionan Caribense (ICG/CARIBE EWS) a wordo dicidi pa tene un di shete ehercicio di tsunami, e CARIBE WAVE 2018, riba 15 di maart, 2018.
E obhetivo principal di e CARIBE EWS ta pa identifica y mitiga e peligernan debi na un tsunami local y un tele-tsunami.
E Pacific Tsunami Warning Center (PTWC) na Hawaii ta e instancia principal pa alerta di tsunami pa e parti Caribense.
Riba nivel nacional, cada miembro ta responsabel pa manda saca avisonan di advertencia pa nan habitantenan via nan
Tsunami Warning Focal Points. Departamento Meteorologico di Aruba ta e Tsunami Warning Focal Point pa Aruba.
E ehercicio ta inclui mensahenan simula di e PTWC cu ta wordo inicia dor di un temblor hipotetico na costa di Barbados.
E evento ta bay tocante un tsunami cu a wordo genera dor di un temblor cu magnitud di 8.6 net parti oost di Barbados.
Esaki lo crea un tsunami ficticio cu lo impacta tur islanan den Caribe y costanan di Sur America
den Caribe.
E prome mensahe lo wordo manda dor di e US Pacific and nacional Tsunami Warning Center (PTWC/NTWC)
riba 15 di maart, 2018 ora 14:00 UTC y lo wordo dissemina riba tur canalnan.
Departamento Meteorologico di Aruba lo ricibi e mensahenan di e PTWC y lo analisa e datonan y djei manda un aviso o advertencia pa esunnan concerni.
Basa riba e datonan di Meteo, esunnan concerni por dicidi ki nan kier haci segun nan SOP.
Si tin un tsunami real, Meteo lo emiti mesora avisonan pa publico. Meteo ta e unico instancia legalmente,
cu por emiti avisonan relata na meteorologia i tsunami na Aruba.