Para keto un rato y pensa na kico bo ta contrubiendo pa por tin un miho bida basa riba cosnan saludabel cu por yudabo den bo salud y bida diario. Kico nos como persona mester ta conciente di dje pa hiba un bida mas saludabel.
CARPHA ta Caribbean Public Health Agency cu ta un instituto cu ta traha na concienteisacion di salud. Tur aña esaki ta wordo celebra dia 10 di September. Tema di aña aki ta “Healthy Children in Healthy Environments”.
Sigur un parti hopi importante cu ta e rol di nos departamento di Santa Rosa ta bin dilanti.
Pa algun aña caba Departamento di Agricultura, Cria y Pesca Santa Rosa ta hibando e concientisacion aki na mayoria scol cu nos a yega di bishita. Por mira tambe cu hobennan tin problema cu sobrepeso for di un edad hopi jong. Den e ultimo aña aki por mira cu e problematica aki ta aumentando hopi mas. Esaki ta un di e motibonan principal cu a yega na idea pa cuminsa concientisa nos hobenan pa hiba un bida mas saludabel. Creando espacio den nan mente pa cuminsa cu algo chikito prome na cas den cura of un skina cu por haci un cultivo pa propio uzo. E ehempel mas simple y practico ta e berduranan cu mas ta wordo uza tur diariamente den cushina pa prepara un plato. Cuminsa na esakinan pa por tin un cultivo den un scala mas chikito. Nos ta papiando aki di e berduranan manera entre otro Tomati, Promenton, Celder, Comcomber di Salada. Den caso ta uza matanan herbal por haci un cultivo di esakinan tambe pabo propio uzo. Manera entre otro Yerb’i Hole, Oregano, Cilantro, Toronhil y Malohi. Esaki ta e miho manera pa cuminsa na hiba un bida mas saludabel cosechando for dibo propio cultivo y forma bo plato di tur dia. No solamente bo ta comiendo berduranan fresco pero tambe yudabo na baha gasto na compra di e berduranan den supermarket. Esaki ta algun di e hopi otro idea y concientisacion cu nos departamento ta hibando pa algun aña caba.
Nos ta kere no solamente pa e banda di Santa Rosa so mester ta importante pero mayornan tambe tin e rol importante den salud di nan mes y nan propio yiu.
E parti come saludabel ta importante pero no descarta e movemento. Haciendo algun ehersicio durante dia pa siman ta na su lugar.
IBISA tambe tin su rol important pa loke ta trata movemento. Semper nan tambe a pone gran parti di nan esfuerso pa concientisa e muchanan riba ehersicio. Practica un deporte sigur ta yuda grandemente den bo salud diario y cu un bon educacion na scol. Deporte ta hacibo un miho persona.
Percura pa semper trata na hiba un bida mas saludabel. Duna e muchanan fruta y berdura pa nan come tur dia. Un baki di fruta di su preferencia pa hiba scol ta indispensabel. Duna e color cu e diferente color di berdura cu por mustra apetitoso pa ora nan yega di scol. Un parti hopi importante di esaki ta cu e porcion di cuminda mester ta adecuado. Awa ta hopi esencial y importante pa bebe tur dia y e cantidad cu mester bebe tur dia.
Departamento di Agricultura, Cria y Pesca Santa Rosa lo sigui percura pa concientisa nos muchanan den nos presentacion cu nos ta hasi na scolnan tanto primario y secundario.