Caribbean Palm Village a organisa su Fiesta di Pasco anual na Sweet Pepper Restaurant recientemente, celebrando un anja di logronan cu bon cuminda, bebida y hopi animo navidenjo. Tur hende tabata bisti den e colornan di e tema di e fiesta, esta preto, blanco y oro, y tur hende a luci na un manera sumamente elegante.
E fiesta tambe a sirbi como e momento perfecto pa anuncia e top empleadonan di e di 4 cuartal y e Empleado di Anja. Cedric Tromp, Maintenance, Hernando Ospino, Housekeeping, Evelyne Boekhoudt, Front Desk, y Marilina Kuiperi tur a wordo nomina pa nan contribucionnan durante e ultimo cuartal di e anja, pero tabata Mislady Fingal di Activities kende a wordo honra cu e titulo maximo di Empleado di e di Cuater Cuartal.
Tambe reconoci cu e honor di “Extra Miles” durante e di cuater cuartal di 2016; Janet Brinkmann, Erizien Lovius, Jean Philemon, Henrica Tromp, Juanita Dorothal, Miladys Sarmiento, Francia Kelly, Maria V. Jimenez, Janeth Herrera, Jacqueline Loopstok, Ramona Nunez, Patricia Croes, Lucia Wolff, Jael Kock, Magalis Richardson, Gregoria Burgos y Lazandra Noor di e Departamento di Housekeeping; Kenjah Howell, Geraldine Frank, Evelyne Boekhoudt y Deborah Rasmijn di e Front Desk; Ricahrd Webb, Gregory Sanchez, Jean Mericier, Rafael Martinez, Ramona Ras y Reynold Semerel di Maintenance, Michiel Zievinger di Security; Sadia Futa y Marilina Kuiperi di Reservations y Mislady Fingal di Activities.
E anochi a bira un triple celebracion pa Mislady, ya cu el a wordo eligi tambe como e Empleado di Anja, sobresaliendo riba su coleganan Hernando Ospino, Kenjah Howell, Cedric Tromp, Evelyne Boekhoudt, Juanita Dorothal y Janet Brinkmann pa ricibi e honor special.
Nos portretnan ta mustra Mislady y e otro honoradonan ricibiendo nan reconocemento, como tambe algun otro momento anima di e celebracion di fin di anja.