Richard Webb, un carpinte cu ta forma parti di e resort su ekipo di maintenance na Caribbean Palm Village Resort, a disfruta di un fiesta di pensioen, cu presencia di su coleganan y amigonan.
Webb a cuminsa traha na e resort riba dia 22 di September, 2003, y a pasa hopi ora durante e ultimo diescuater añanan ta drecha cos y contribui diligentemente na e operacion suave di e resort, ya cu semper el a haci e extra esfuerso denter di su departamento.
Na su celebracion di pensioen, su “follow-up” y lealtad a wordo elogia hopi pa miembronan di gerencia, kendenan lo sinti falta di su yegada trempan na e propiedad y su boluntad y colaboracion exitoso cu su coleganan. “Nos lo kier bisa danki,” tabata e palabranan di Astrid Muller, Gerente General Interino, “for di e mas profundo di nos curason, y nos kier desea bo un pensioen feliz y dibertido.”
Discursonan cortico, muestranan di aprecio y regalonan di despedida a haci Richard su fiesta sumamente special, y sigur nan lo sinti su falta na e resort, pero e tempo liber cu ta sperando Richard ta bon mereci.