Caribbean Palm Village Resorts a dorna e cafeteria di su empleadonan na honor di Dia Mundial di Turismo. E proyecto a wordo encabesa pa e housekeeper ehecutivo Cristina Galindo.
Gerente General interino Astrid Muller a informa cu e empleadonan a wordo agradeci di curason pa nan lealtad y servicio estupendo y pa scohe e industria di di hospitalidad como nan profesion pa bida largo.
E tema di e celebracion di e aña aki tabata Turismo y Transformacion Digital, cu e obhetivo di encurasha e miembronan di personal pa acepta e cambio y e digitalizacion di e experiencianan di e huespednan y e yegada di technologia nobo.