Seroe Crystal pa basta tempo caba ta den noticia door di e trabaonan industrial tumando luga akinan. Despues un tempo di inactividad, ya cu e companianan a stop cu e trabaonan, en espera di un vestigingsvergunning. Sr. Robby Rosel di Bureau City Inspector, a haci un bishita na un di e companianan aki, door di rumornan cu e companianan ta den funcion, en espera di nan vestigingsvergunning.
Sr. Rosel a papia cu e propietario di Caribbean Beton cu a duna di conoce cu su compania ta bezig ta muda pa bay Barcadera y esey ta e caso, unda cu nan ta cargando ekiponan, sacando for di Seroe Crystal pa asina verhuis na nan edificio nobo na Barcadera. Asina ta, BCI a sinta hunto cu e propietario y tambe e director di Bureau City Inspector a reuni cu e doñonan di e compania y asina desmenti rumornan di trabaonan industrial tumando luga na Seroe Crystal. E compania a stop cu su operacion na Seroe Crystal a stop di funciona akinan, desde cu el a haya un carta avisando e cu no mag di sigui opera na Seroe Crystal.
Caribbean Beton ta den proceso di mudansa pa nan tereno di Barcadera, pa asina pone den operacion, pa asina sigui cu e trabaonan civil ayanan. E otro companianan tampoco ta operando desde cu nan tambe a haya carta pa nan stop cu e trabaonan aki. y ta calcula cu den menos di un luna nan lo ta operacional for di nan edificio nobo aya na Barcadera.