World Arthritis Day ta wordo observa annualmente dia 12 di oktober pa consientisa e publico riba e topico di artritis y otro enfermedad muscoskeletal reumatico (RMD’s). Meta principal ta pa mehora e comprondemento publico pa loque ta trata e condicion aki y e impacto cu esaki tin riba e pashentnan. E thema pa e aña aki ta “Decisionnan informa, mihor resultado”.
Desde 2019 Aruba conoce un Reumatologie Praktijk actualmente maneha pa 1 reumatologo cu un personal sumamente dynamico. E reumatologie praktijk annualmente ta ricibi mas o menos 2500 bishita cu ta wordo recomenda door di e dokternan di cas pa asina e reumatologo por hasi un cheqeo amplio prome cu conclui un diagnostico mirando cu tin bastante diferente forma di artritis.
Na 2022 Caribbean Arthritis Foundation a inicia su campaña di deteccion tempran door di constantemente organisa actividad pa pashentnan pero tambe door di ofrece congresonan medico acredita pa e Koninklijk Nederlands Medisch Genootschap (KNMG) cu sosten financiero di Nationale Vereniging Reumazorg Nederland y Stichting Reuma Zorg Nederland.
Na juni ultimo Caribbean Arthritis Foundation a organisa un otro congreso medico exitoso, banda di un actividad di pashent, cu a conta cu dokternan di cas di Aruba y Curacao y tambe varios boticario cu a wordo presenta pa:
Prof. dr. Margreet Kloppenburg (Leids Universitair Medisch Centrum)
Prof. dr. Michael Nurmohamed (Vrije Universiteit Amsterdam)
Prof. dr. Bart van den Bemt (St. Maartenskliniek Nijmegen)
Prof. dr. Ingemar Merkies (Maastricht UMC y Curacao Medical Center)
Emeritus Prof. dr. Mart van de Laar (Universiteit Twente)
drs. Ginayla Kotzebeu (Curacao Medical Center)
dr. Jessica van Nies (Reumatologie Praktijk Aruba)
dr. Ricardo Hu (Dermatology Center Surinam)
drs. Jacco Vroegop (Horacio Oduber Hospital)
drs. Marjan Erkamp RGA (ZENEZ)
Jo-Eve Felten Bsc. (Wit Gele Kruis Aruba)
ing. Francisco de Mey 0(Presidente Caribbean Arthritis Foundation)
Edbert (Ebby) Schwengle BA (Secretario Caribbean Arthritis Foundation)
Un di e momento nan culminante tawata ora cu dr. Jessica van Nies a wordo jama pa dilanti pa ricibi un reconocimento special pa tur su trabouw desplega como reumatologo aki na Aruba entre 2022 te cu juni 2024 entrega pa Prof. dr. Margreet Kloppenburg, un profesora mundialmente reconoci pa su expertisio. Dr. Jessica van Nies a dicidi di sigui su carera profesional na Hulanda y siguramente Aruba su pashentnan lo haja su falta y lo keda agradecido pa tur su trabouw y expertisio cu e la comparti cu hopi pasion.
Riba dia Internacional di Artritisi, Caribbean Arthritis Foundation ta duna un pabien special na tur pashent aki na Aruba y tambe na staff y personal di Reumatologie Praktijk Aruba, mientras cu lo continua cu su meta principal es ta: mehorando e calidad di bida di tur pashent di artritis aki na Aruba. Tambe un danki special na e commission di pashent y e pashent medico cu ta desplega un trabouw di curason y di altruismo y muy en particular Nationale Vereniging ReumaZorg Nederland y Stichting Reuma Zorg Nederland, cu a ta hasi e actividadnan di pashent y congresonan medico aki posibel.
Pa mas informacion, libramente bishita e website: www.cafaruba.org of FaceBook Caribbean Arthritis Foundation.
