Carib Wave 2019 lo tuma luga dia 14 di maart proximo

Cada aña Aruba ta haci e ehercicionan pa garantisa cu Aruba ta prepara pa un evento real di tsunami. Diahuebs 14 di maart lo tuma luga e Carib Wave 2019. Sr. Lotty Irausquin, researcher na Meteo ta amplia.

E escenario ta un temblor pabao di Panama, di magnitud 8.5. Esaki lo cuminsa 10 or di mainta dia 14 di maart. E prome mensahenan lo wordo ricibi di e Pacific Tsunami Center, via email, tur canalnan cu tin un tsunami y cu mester prepara un bulletin pa prensa y otro instancianan pa avisa di un tsunami. E meta ta pa valida tur e productonan cu e Pacific Tsunami Warning Center ta publica pa Meteo. Y a base di esaki ta traha bulletin pa prensa. Esaki ta pa evalua e preparacion pa un tsunami.

Si bay ariba caribbeanwave.info lo por haya e menunan di e training, cu ta bisa henter e descripcion di e temblor y e tempo pa e yega, tambe tin un link pa evaluacion di e training. Pro bisa cu tin dos scenario, pero meteo ta opta pa Panama scenario, tin tambe e Kicking Jenny banda di Barbados. Pero a scoge pa Panama cu ta mas importante pa nos na Aruba.

Dus dia 14 di maart, pa 10 or di mainta, magnitud 8.5. E prome ola di tsunami lo yega Aruba un ora y 48 minuut, despues. E training ta encera evacuacion di costa completo.

Meteo tin su criteria pa cual ta manda e bulletin pa prensa informando e pueblo, segun Sr. Lotty Irausquin, pa cual nan ta pidi cooperacion. Ta pidi pueblo pa no drenta den panico, ya cu ta trata di un ehercicio.

Comments

comments